وَإِذْ قَالَ مُوسَىٰ لِقَوْمِهِ يَا قَوْمِ إِنَّكُمْ ظَلَمْتُمْ أَنْفُسَكُمْ بِاتِّخَاذِكُمُ الْعِجْلَ فَتُوبُوا إِلَىٰ بَارِئِكُمْ فَاقْتُلُوا أَنْفُسَكُمْ ذَٰلِكُمْ خَيْرٌ لَكُمْ عِنْدَ بَارِئِكُمْ فَتَابَ عَلَيْكُمْ ۚ إِنَّهُ هُوَ التَّوَّابُ الرَّحِيمُ
മൂസാ തന്‍റെ ജനതയോട് പറഞ്ഞ സന്ദര്‍ഭവും, ഓ എന്‍റെ ജനമേ! നിശ്ചയം നിങ്ങള്‍ പശുക്കുട്ടിയെ സ്വീകരിക്കുകവഴി നിങ്ങള്‍ നിങ്ങളോടുതന്നെ അക്രമം പ്രവര്‍ത്തിച്ചിരിക്കുന്നു, അപ്പോള്‍ നിങ്ങള്‍ നിങ്ങളുടെ സ്രഷ്ടാവിലേക്ക് ഖേദിച്ചു മടങ്ങുകയും നിങ്ങള്‍ നിങ്ങളെത്തന്നെ വധിക്കുകയും ചെയ്യുക! അതാണ് നിങ്ങള്‍ക്ക് നിങ്ങളുടെ സ്രഷ്ടാവിന്‍റെയടുക്കല്‍ ഉത്തമമായിട്ടുള്ളത്, അങ്ങനെ അവന്‍ നിങ്ങളുടെമേല്‍ മടങ്ങി, നിശ്ചയം അവന്‍, അവന്‍ തന്നെയാണ് ഏറെ പശ്ചാത്താപം സ്വീകരിക്കുന്ന കാരുണ്യവാന്‍.
പശുവിനെ ഉണ്ടാക്കുന്നതിന് നേതൃത്വം വഹിച്ച കപടവിശ്വാസിയായ 'സാമിരി'യോട് 'എന്നെ നമ്പരുത്' (എന്നെ വിശ്വസിക്കരുത്) എന്ന് ആവര്‍ത്തിച്ചാവര്‍ത്തിച്ച് പറഞ്ഞുകൊ ണ്ട് സ്ഥലം വിടാന്‍ മൂസാ കല്‍പ്പിക്കുകയും, പശുവിനെ കരിച്ച് നദിയിലൊഴുക്കുകയും ചെയ്തു. പശുവിനെ ഉണ്ടാക്കാന്‍ കൂട്ടുനിന്ന ഇസ്റാഈല്‍ സന്തതികള്‍ പരസ്പരം വധിക്ക ണമെന്ന അല്ലാഹുവിന്‍റെ കല്‍പന പ്രവാചകന്‍ മൂസാ അറിയിച്ചതനുസരിച്ച് നിയന്ത്രണമില്ലാതെ വധം നടക്കുകയും അങ്ങിനെ നിരപരാധികളടക്കം എഴുപതിനായിരം പേര്‍ പ രസ്പരം വധിക്കപ്പെടുകയും ചെയ്തു. അതില്‍ വധിക്കപ്പെട്ട നിഷ്കളങ്കരായ ആളുകള്‍ക്ക് അല്ലാഹുവിന്‍റെ മാര്‍ഗത്തില്‍ രക്തസാക്ഷിത്വം വഹിച്ചവരുടെ പ്രതിഫലമുണ്ടെന്ന് പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. 20: 95-98 വിശദീകരണം നോക്കുക.
ആത്മാവിനെ സൃഷ്ടിച്ചവന് സ്രഷ്ടാവ്-ഖാലിഖ്-എന്നും ശരീരം സൃഷ്ടിച്ചവന് പടച്ചവന്‍-ബാരിഅ്-എന്നും ആത്മാവും ശരീരവും സന്തുലനപ്പെടുത്തിയവന് രൂപപ്പെടുത്തിയ വന്‍-മുസ്വവ്വിര്‍-എന്നും പറയുന്നു. ഈ സംഭവങ്ങളില്‍ നിന്നെല്ലാം അറിഞ്ഞിട്ട് കുറ്റം ചെ യ്യുന്നവര്‍ക്ക് മാപ്പില്ലെന്നും അവരോടാണ് അല്ലാഹു പ്രതികാരം ചെയ്യുക എന്നും മന സ്സിലാക്കാം. അവന്‍റെ പ്രതിനിധികളായ വിശ്വാസികള്‍ക്ക് അറിഞ്ഞിട്ട് മൂടിവെക്കുന്ന കപടവിശ്വാസികളോട് മാത്രമാണ് പ്രതികാര മനോഭാവമുണ്ടാവുക. ഒരു കുറ്റം കണ്ടാല്‍ കൈ കൊണ്ട് തടയണം, അതിന് സാധ്യമല്ലെങ്കില്‍ നാവുകൊണ്ട് തടയണം, അതിനും സാധ്യ മല്ലെങ്കില്‍ മനസ്സുകൊണ്ട് വെറുക്കുകയെങ്കിലും വേണമെന്നും, മനസ്സുകൊണ്ട് വെറുത്തിട്ടില്ലെങ്കില്‍ പിന്നെ അവനില്‍ വിശ്വാസത്തിന്‍റെ അംശം പോലും ഉണ്ടായിരിക്കുകയില്ല എന്നും പ്രപഞ്ചനാഥന്‍ അവന്‍റെ പ്രവാചകനിലൂടെ പഠിപ്പിച്ചിട്ടുണ്ട്. ഇന്ന് ഇത്തരം സൂക്തങ്ങളെല്ലാം വായിക്കുന്ന ഫുജ്ജാറുകള്‍ 29 കള്ളവാദികളെ പിന്‍പറ്റിക്കൊണ്ടിരിക്കു ന്നവരും 30-ാമത്തെ കള്ളവാദിയായ മസീഹുദ്ദജ്ജാലിനെ ആനയിച്ചുകൊണ്ടിരിക്കുന്ന വരുമാണ്. 4: 91 ല്‍ വിവരിച്ച പ്രകാരം ഈസാ രണ്ടാമത് വന്ന് മസീഹുദ്ദജ്ജാലിനെ വധി ക്കുന്നതോടെ അന്ന് ഇസ്ലാം അംഗീകരിക്കുന്ന പ്രവാചകന്‍റെ സമുദായത്തില്‍ പെട്ട ഇ തര ജനവിഭാഗങ്ങളാല്‍ ഇക്കൂട്ടര്‍ വധിക്കപ്പെടുന്നതും 4: 91; 5: 33; 9: 5, 123; 33: 60-61 സൂ ക്തങ്ങളുടെ കല്‍പന നടപ്പിലാക്കപ്പെടുകയും ചെയ്യുമ്പോള്‍ മാത്രമാണ് അറബി ഖുര്‍ആ ന്‍ ആയിരുന്നില്ല, 38: 8 ല്‍ പറഞ്ഞ പ്രകാരം അദ്ദിക്ര്‍ അഥവാ ദിക്രീ ആയിരുന്നു ഗ്രന്ഥമെന്ന് അവര്‍ക്ക് ബോധ്യം വരിക. 2: 18, 186; 3: 183; 7: 205-206 വിശദീകരണം നോക്കുക.